Policia e Kosovës ka vlerësuar se nata e Vitit të Ri, ka kaluar e qetë dhe pa incidente të mëdha.
Sipas komunikatës , thuhet se bazuar në të dhënat e drejtorive rajonale, ka pasur disa incidente me lëndime të lehta trupore si pasojë e përdorimit të fishekzjarrëve.
“Bazuar në raportimet e pranuara nga Drejtoritë Rajonale Policore, nata e vitit të ri, ndërrimi i mot moteve, ka kaluar kryesisht i qetë, nuk është raportuar ndonjë rast apo incident madhor, me pasoja fatale,megjithëse në disa rajone janë raportuar disa incidente me lëndime trupore, dhe dëme materiale si pasojë e përdorimit pakujdesshëm të mjeteve piroteknike dhe armëve të zjarrit. Mund të veçohet një rast në Prishtinë, i cili në konsultim me prokurorin policia e ka iniciuar si ‘shkaktim i rrezikut të përgjithshëm’, ku një plumb bredhës ka goditur një qytetare, e cila është dërguar për trajtim mjekësor dhe sipas mjekëve është jashtë rreziku për jetë”, thuhet në komunikatë përcjell teve1.info
