Ministrja e Drejtësisë, Albulena Haxhiu, ka vlerësuar se viti 2023 ka qenë një nga vitet më të mira sa i përket këtij dikasteri.
Haxhiu në një postim në Facebook, ka thënë se në këtë vit janë miratuar mbi 50 akte normative nga Qeveria e Ministria e Drejtësisë.
Ajo ka bërë të ditur se rreth 25% e ligjeve të miratuara në Kuvend kanë të bëjnë me reformën në drejtësi.
“Në shifra, viti 2023 është njëri ndër vitet me rezultatin më të mirë për Ministrinë e Drejtësisë, i cili shënon mbi 50 akte normative të miratuara në dikasterin qeveritar (Qeveri dhe Ministri të Drejtësisë). Ndërsa në mesin e 71 ligjeve të miratuara në Kuvend, 17 prej tyre apo rreth 25% të ligjeve të miratuara ne këtë vit, i përkasin Reformës në Drejtësi”, ka shkruar Haxhiu, përcjell teve1.info.
