Ka ndodhur një vetaksident në Skivjan të Gjakovës, ku një person ka mbetur i lënduar.
Lajmin për teve1.info, ka konfirmuar zëdhënësi i Policisë për rajonin e Gjakovës, Sheremet Elezaj, i cili bëri të ditur se ky i fundit është dërguar në Spitalin Rajonal në Gjakovë dhe pastaj në QKUK për trajtim të mëtejshëm mjekësor, raporton teve1.info.
“Rreth orës 23:35 kemi pranuar informatë për aksident trafiku në fshatin Skivjan-Gjakovë. Policia ka dalë në vendin e ngjarjes ku ngasësi i një automjeti kishte humbur kontrollin mbi automjetin dhe ishte vet-aksidentuar. Për pasojë përveç dëmeve materiale një person ka pësuar lëndime dhe fillimisht është dërguar në Spitalin Rajonal në Gjakovë për trajtim mjekësor dhe pastaj në QKUK. Njësia Rajonale e Komunikacionit Rrugor është duke e trajtuar rastin”, thuhet në përgjigjen e Elezaj./teve1.info/.