Gjatë gjithë vitit nuk munguan kritikat. Por, Lëvizja Vetëvendosje zgjodhi edhe fundvitin për të adresuar pakënaqësitë që sipas tyre i kanë ndaj qeverisjes komunale në Prizren.
Deputeti i Kuvendit të Kosovës, Artan Abrashi, adresoi një varg akuzash ndaj kryetarit Shaqir Totaj.
Madje, sipas tij investimi më i madh në këtë vit është rruga ku gjendet edhe shtëpia e kryetarit.
Abrashi nuk pati një shifër të saktë se sa ka investuar Qeveria e Kosovës në këtë Komunë, por vetëm tregoi disa prej investimeve.
Ndërsa, kryetari të gjitha këto i quajti propaganda duke treguar që niveli qendror në Prizren ka ndarë 900 mijë euro.
Komuna e Prizrenit nga viti 2021 kur u mbajtën zgjedhjet lokale udhëhiqet nga PDK-ja, ndërsa më herët ishte udhëhequr nga Lëvizja Vetëvendosje.
Kronikë e realizuar nga gazetarja, Rinesa Osmanaj.
