Arrestohet një person në Fushë-Kosovë për vjedhje të bizhuterive, të gjitha në vlerë rreth 4000 mijë euro.
Policia e Kosovës, njofton se pronari i shtëpisë, e ka zënë këtë të fundit duke kryer vjedhjen, por që i njëjti i ka hedhur bizhuteritë gjatë ikjes.
Po ashtu, bëhet e ditur se malli i vjedhur i është kthyer pronarit.
“Rr. Muhamet Behluli- Fushë Kosovë 27.12.2023-19:15. Ankuesi mashkull kosovar ka raportuar se afër shtëpisë së tij ka arritur ta zë në flagrancë të dyshuarin mashkull kosovar, i cili në shtëpinë tij kishte vjedhur një sasi bizhuterie /ari, të gjithë në vlerë rreth 4000- mijë € të cilat i dyshuar i kishte hedhur gjatë ikjes. I dyshuari është arrestuar dhe pas intervistimit me vendim të prokurorit, është dërguar në mbajtje. Malli i vjedhur i është kthyer pronarit”, thuhet në raportin 24 orësh të Policisë./teve1.info/.
