Deputeti i Lëvizjes Vetëvendosje, Adnan Rrustemi, e ka vlerësuar përpjekje për ndikim në procesin zgjedhor, paralajmërimin e Avokatit të Popullit, Naim Qalaj, për dërgim në Gjykatën Kushtetues, Ligjit për Zgjedhjet, i cili me ndryshimin e Qeverisë, parasheh që diaspora të votojnë në ambasadat e Kosovës.
Në një reagim të tij, Rrustemi ka thënë se për një dilemë që ka ekzistuar që 8 vjet, Qalaj është kujtuar ta dërgojë në Kushtetuese, në vitin e katër të mandatit të tij dhe të fundit të qeverisjes së LVV-së.
“Ligji për Zgjedhjet e Përgjithshme daton prej vitit 2008. Ligji për Barazi Gjinore është në fuqi prej vitit 2015. Naim Qalaj është zgjedhur Avokat i Popullit në shtator të vitit 2020. Sot avokati Qalaj, po na tregon se si në vitin e katërt të mandatit të tij do ta dërgojë në Gjykatë Kushtetuese ligjin e ri për zgjedhje për një dilemë që ka ekzistuar që 8 vjet, por që po e ngritë vetëm në vitin e fundit të qeverisjes së LV, e para zgjedhjeve të reja në të cilat për herë të parë, me ligjin e ri, do të mundësohet votimi i mërgatës në ambasada. Kjo nuk ka të bëjë me mbrojtjen e kushtetutshmërisë. Kjo është përpjekje për të ndikuar proces zgjedhor”, ka shkruar Rrustemi, përcjell teve1.info.
Avokati i Popullit, Naim Qelaj, ka bërë të ditur se Ligjin për Zgjedhjet do ta dërgojmë në Gjykatën Kushtetuese.
Në konferencën e fundit për këtë vit, ai shtoi se për këtë i ka dërguar letër presidentes Vjosa Osmani, madje tha se nuk është në kompetencën e tij, se cili ligj u konvenon ose jo zyrtarëve politik.
