Kryetari i Aleancës për Ardhmërinë e Kosovës, Ramush Haradinaj, ka thënë se kosto e jetës së qytetarëve në Kosovë është bërë e papërballueshme, derisa ka shtuar se dikush po ka para me pagu sondazhe, raporton teve1.info
Haradinaj përmes një statusi në Facebook, duke iu referuar sondazhit të VV-së, ka thënë se një sondazh i tillë kushton nga 25 mijë deri në 50 mijë euro, derisa ka shtuar se më e pakta, do të duhej që për këtë të interesohej Prokuroria.
“Shtrenjtim enorm i rrymës e i gjithë artikujve elementarë ushqimor. Kosto e jetesës e papërballueshme për më shumë se gjysmën e popullsisë, e dikush po ka para me pagu sondazhe e rezultatin e tyre! Një hulumtim i thjeshtë i opinionit publik sot kushton prej 25-50 mijë euro! Prej nga këto para?! Më e pakta do të duhej që të interesohej Prokuroria, sa paguajnë dhe prej nga i kanë paratë!”, ka shkruar ndër të tjera Haradinaj.
