Serbia ka marrë vendim për lejimin e qarkullimit të veturave me targa RKS, raporton teve1.info
Lajmin e ka bërë të ditur për Tanjug, drejtori i Zyrës për Kosovën në Qeverinë e Serbisë, Petar Petkoviq.
Ai ka thënë se Qeveria e Serbisë ka marrë një vendim që mundëson lirinë e lëvizjes për të gjitha automjetet nga Kosova me targa “RKS”.
“Lejimi i të gjitha automjeteve të regjistruara nga Institucionet e Përkohshme të Vetëqeverisjes në Prishtinë për të marrë pjesë në komunikacion në rrugë bëhet vetëm për arsye praktike, me qëllim që të lehtësohet pozita e individëve dhe të mundësohet liria e tyre e lëvizjes dhe nuk mund të interpretohet si njohje e shpallja e njëanshme e pavarësisë së të ashtuquajturës Kosovë, nuk paragjykon përcaktimin e statusit përfundimtar dhe nuk mund të interpretohet si pëlqim i Beogradit për të devijuar nga të drejtat e garantuara me Rezolutën 1244 të Këshillit të Sigurimit të Kombeve të Bashkuara”, thuhet në tekstin e mohimit”, ka thënë Petkoviq.
Petkoviq është shprehur se ky vendim nuk do të thotë njohje e Kosovës, derisa ka bërë të ditur se vendimi do të zbatohet nga 1 janari.
“Ky vendim në fakt ishte detyrim i yni nga marrëveshja e vitit 2011 për lirinë e lëvizjes e nënshkruar nga Borko Stefanoviq, e cila u referohet targave RKS dhe letërnjoftimeve të Kosovës, lejimin e patentëshoferëve të Kosovës”, citohet të ketë thënë Petkoviq.
