Festat e fundvitit kanë bërë që bashkëatdhetarët të vinë në Kosovë për të festuar bashkë me familjet e tyre. E kjo ka bërë që të krijohen edhe kolona në pikat kufitare. Por të hënën nuk u panë numër i madh i veturave në pritje, e kjo i gëzoi mërgimtarët.
Drejt kufirit të Kosovës ja mësynë edhe të hënën.
Por mërgimtarët kësaj radhe nuk pritën shumë në kolone për dallim prej ditëve të vikendit.
Xhavit Krasniqi udhëtoi nga Austria për në Kosovë. Ai tregon që pritjen më të madhe e pati në kufirin e Hungarisë.
Bashkëatdhetarë tjerë rrugëtimin e tyre për në vendlindje e kaluan duke mos hasur asnjëherë në kolona nëpër pika kufitare.
Ata u shprehen të lumtur që do të presin me familjarët e tyre festat e fundvitit.
Sipas Qendrës Kombëtare për Menaxhim Kufitar në Kosovë, në pikën kufitare në Merdarë gjatë ditës së hënë ka pasur pritje deri në 10 – 15 minuta ndërsa te Dheu i Bardhë deri në 40 minuta.
Rinesa Osmanaj
