Policia e Kosovës ka konfiskuar disa mjete të forta në një aksion të zhvilluar të hënën në veri të Mitrovicës, të cilat sipas njoftimit thuhet se mund të përdoreshin për të sulmuar organet e rendit.
Në fotografitë e publikuar shihet disa mjete të forta hekuri të mprehta, bomba tymosëse, uniformë ushtarake dhe plumba.
Policia ka bërë të ditur se të hënën ka pranuar informacione nga qytetarët lidhur e fshehjen e disa gjërave të rrezikshme ne lagjen e boshnjakëve, përballë shkollës teknike në veri të Mitrovicës, përcjell teve1.info
“Njësitet kompetente policore bazuar në informacione relevante pranaur nga qytetarët kanë ndërmarr veprime të mënjehrshme hetimore dhe operative me ç’rast në lagjen e boshnjakëve në veri të Mitrovicës, kanë realizuar një operacion kontrolli dhe aty kanë gjetur: tela gjemborë, bomba tymosësh, municion dhe një uniformë”, thuhet në komunikatë.
Sipas PK-së, uniforma e gjetur është e ngjashme me uniformat që janë përdoru nga grupi terrorist në Banjskë më 24 shtator.
