Paris Saint Germain ka bërë goditjen e parë sa i përket transferimeve në afatin kalimtar të janarit.
Parisienët kanë siguruar shërbimet e qendërmbrojtësit të talentuar brazilian Lucas Beraldo, i cili do t’i bashkohet atyre nga Sao Paulo.
20-vjeçari ka qenë një objektiv edhe i Bayern Munichut dhe Liverpoolit, por parisienët janë treguar më të shpejtë duke siguruar shërbimet e tij.
Francezët kanë gjetur akordin me Sao Paolon për të transferuar në Ligue 1, për shifrën e 20 milionë eurove mbrojtësin Lucas Beraldo.
Pritshmëritë për talentin brazilian janë tejet të larta dhe në Paris synojnë që ta fusin menjëherë në skuadër duke pasur parasysh mungesat për një kohë të gjatë nga dëmtimet të Kimpembe dhe Mendes.
Braziliani është 1,86 i gjatë dhe njihet për lojën e tij të fortë në mbrojtje, derisa trajneri Luis Enrique ka qenë vendimtar për transferimin e tij duke dhënë dritën e gjelbër për transferimin e Beraldos në Parc de Princes.
Zyrtarizimi i kësaj marrëveshje pritet të bëhet në ditët e para të muajit janar, ku edhe mbrojtësi do të prezantohet si futbollist i ri i kampionëve të Francës.
