Basketbollist Musab Mala i është bashkuar skuadrës kampione, Peja. Peja të dielën mbrëma njoftoi për transferimin e basketbollistit mitrovicas.
Deri më tani fundori ishte pjesë e Proton Cable Prizrenit. Më herët ka luajtur për Trepçën dhe disa skuadra të tjera në vend.
Është reprezentues i Kosovës dhe prej plejmejkerëve më të mirë në ligë. Këtë edicion Mala ka luajtur me mesatare prej 13 pikëve e 4,6 asistimeve. Ai pritet të jetë prej lojtarëve më të rëndësishëm te Peja, që sërish lufton për titull të kampionit.
