Sonila Pllashniku aktivistja e Partisë Socialdemokrate e cila sot pengoi fjalimin e kryeministrit Kurti në konferencën për rini, tha se nuk ka shkuar në këtë ngjarje për të bërë aksion simbolik, por siç tha ajo, ideja ka ardhë pasi sipas saj, kryeministri nuk ka bë asgjë për studentët.
Pllashniku në një videolidhje në Tëvë1, tha se ka dashur t’i tregojë kryeministrit Kurti se nuk pajtohet me mendimin e tij.
“Unë kam qenë e ftuar si studente sepse jam studente e Universitetit të Prishtinës. Nuk kam shku me idenë me bë aksion simbolik as me e kundërshtu kryeministrin, por një ditë përpara duke mendu se çka ka bë realisht Kurti dhe kjo qeveri për rininë, unë e kuptova që asgjë nuk ka bë për mu personalisht si studente ashtu edhe për bashkëmoshatarët e mi dhe studentët tjerë. Mu duk jo e logjikshme me u mbajte kjo konferencë edhe me marrë pjesë kryeministri i vendit me pretendime që ka kriju hapësira të përshtatshme që rinia të zhvillohet”, tha Pllashniku në emisionin “Ditari”.
Tutje Pllashniku tha “unë nuk e kam ndërpre fjalimin e Kurtit në fillim kam dashtë me ndëgju çka ka dashtë me thënë. Po në momentin kur fillon me më mashtru edhe mu si të pranishme aty ashtu çysh tenton me i mashtru edhe bashkëmoshatarët e mi, normal jam revoltu edhe thjeshtë kam dashtë me i tregu që jo unë nuk pajtohem me mendimin tënd”.
Ndryshe, pas këtij veprimi aktivistja e PSD-së u largua menjëherë nga sigurimi i kryeministrit./teve1.info./