Tre persona kanë vdekur dhe tre të tjerë janë lënduar si pasojë e aksidentit të mbrëmshëm në Prizren.
Për teve1.info rasti është konfirmuar edhe nga Policia e Kosovës, ku është bërë e ditur se deri te aksidenti dyshohet se erdhi pasi dy vetura ishin duke garuar mes vete.
Nga Policia është konfirmuar se tre viktimat nuk ishin ngasës, por të njëjtit po e shihnin garën.
Aty, njëri nga veturat e ka humbur kontrollin dhe i ka goditur më pas viktimat.
Ndërkohë, personat e lënduar janë dërguar për tretman mjekësor, ndërsa me vendim të prokurorit trupi i pajetë i viktimave është dërguar në IML për obduksion.
“Gjatë ngasjes në autostradë i dyshuari kosovar dyshohet se ka humbur kontrollin mbi veturën dhe për pasojë ka goditur tre persona meshkuj kosovar-këmbësorë. Si pasojë, tre personat e goditur kanë humbur jetën, ndërsa tre të tjerë kanë pësuar lëndime dhe janë dërguar për tretman mjekësor. Në vendin e ngjarjes ka dalë edhe prokurori i rastit dhe me vendimin e tij (tre) trupat e pajetë pasi është konstatuar vdekja e tyre nga ekipi mjekësor, janë dërguar në IML për obduksion. Me urdhër të prokurorit, i dyshuari është dërguar në mbajtje. Hetimet lidhur me këtë aksident janë duke u kryer nga njësitet relevante policore”, tha Policia./teve1.info/
Raportohet për tre persona të vdekur nga një aksident në autostradën “Ibrahim Rugova”
