Ka një muaj që kur Atdhe Hetemi është emëruar në pozitën e drejtorit ekzekutiv në Institutin e Krimeve të Kryera Gjatë Luftës në Kosovë. Ndërsa sonte për herë të parë në një intervistë ekskluzive për Tëvë1, vet Hetemi ka treguar për qëllimin e krijimit të këtij instituti, numrin e anëtarëve që do të angazhohen në dokumentimin e krimeve serbe në Kosovë dhe se kur do të kenë mundësi qytetarët t’i dorëzojnë materialet e tyre në dorën e shtetit.
Takimin e parë zyrtar, e mbajtën me 7 dhjetor.
Janë këta anëtarët e Institutit për Hulumtimin dhe Dokumentimin e Krimeve të Luftës në Kosovë.
E drejtor i këtij instituti, një muaj më parë, nga kryeministrit i vendit, Albin Kurti, u emërua Atdhe Hetemi.
Ky i fundit në një intervistë ekskluzive për Tëvë1, ka treguar fazën në të cilën gjendet tani Instituti për e krimeve të kryera gjatë luftës në Kosovë.
“Ju me të drejtë thatë që sapo jemi emëruar dhe jemi në fazën e hartimit të një rregullore të punës dhe sistematizimit të vendeve të punës për instutitin. Gjatë këtij muaji është krijuar ky grup punues, ne përkohësisht i kemi marrë këto zyre ku jemi tani”, tha drejtori i Institutit pwr Krime tw Luftws, Atdhe Hetemi.
Hetemi ka zbuluar edhe numrin e anëtarëve që mund të angazhohen për dokumentimin e krimeve serbe në Kosovë.
“Instituti e ka linjen e vet buxhetore dhe nuk varet prej donacioneve, në bazë të buxhetit që e kemi diskutuar për vitin 2024, instituti parashihet që të ketë diku rreth 40 punonjës deri në konsolidimin e plotë të tij”, u shpreh Hetemi.
Profesori Universitar në Fakultetin Filozofik, tregon natyrën e krimeve të luftës që do t’i mbuloj ky institut.
“Instituti edhe në bazë të ligjit mbulon një gamë të gjerë të temave, psh është i obliguar të merret me krimet e kryera gjatë luftës të natyrës ushtarake, politike, historike, krime të natyres ekonomike dhe psiko-social e kështu me radhë”, deklaroi drejtori i Institutit, Atdhe Hetemi.
Në fund, Hetemi thotë se shumë shpejt instituti do të jetë adresë e gjithë qytetarë që duan t’i dorëzojnë materialet e luftës.
“Instituti do të jetë i hapur në këtë drejtim dhe padyshim që në shpresojmë në kontributin e gjithë atyre që qoftë në baza institucionale apo individuale kanë mbledhur materiale të tilla, shpresojmë që instutivin ta bëjmë një pikë grumbullimi apo arkivimi të materiale të cilat i dokumentojnë krimet e kryera gjatë luftës në Kosovë. 6:30 por besoj që brenda një afati 4 vjecar do të arrijmë ta kemi një institut të konsoliduar dhe të gatshëm që të mbledh, verifikoj, përpunoj dhe arkivoj materiale dhe të kryej hulumtime të ndryshme”, u shpreh Htemi.
Në fund, drejtori ekzekutiv në Institutin e Krimeve të Kryera Gjatë Luftës në Kosovë, thotë se do të bashkëpunoj ngushtë edhe me organizatat lokale dhe ndërkombëtare.
