Kryetari i Partisë Demokratike të Kosovës, Memli Krasniqi, ka vizituar Komunën e Kaçanikut, teksa ka thënë se krahas punës së madhe, qytetarët e kësaj komune po ballafaqohen me sfida të shumta e diskriminim nga Qeveria Kurti.
Megjithatë, e ka quajtur inkurajuese punën të cilën e ka bërë kryetari i Kaçanikut, Besim Ilazi,
“Është inkurajuese puna e madhe të cilën kryetari i Kaçanikut, Besim Ilazi, po e bën në shërbim të qytetarëve dhe qytetit. Shesh i ri, rrugë të reja, nënkalim, Muze i Qytetit, investime të rëndësishme në arsim dhe shëndetësi – të gjitha me buxhet vetanak komunal. Mbetet zhgënjyes, i papranueshëm dhe i ulët, diskriminimi i madh të cilin Qeveria Kurti po ua bën qytetarëve të kësaj komune, duke mos u ndarë asnjë cent për investime të reja kapitale edhe për vitin e katërt me radhë”, ka shkruar Krasniqi në Facebook.
Andaj sipas kreut të PDK-së, ky diskriminim duhet të përfundojë sa më shpejtë.
“Institucionet janë të të gjithë qytetarëve, dhe duhet t’u shërbejnë të gjithëve, pa dallim, ashtu siç po u shërben të gjithëve kryetari Besim Ilazi”, thuhet tutje në postim./teve1.info/.
