Ish-këshilltari i Isa Mustafës, Valon Murtezaj, ka reaguar pas mospërfshirjes së tij në kryesinë e re të Lidhjes Demokratike të Kosovës, raporton teve1.info
Përmes një shkrimi në Facebook, Murtezaj ka shkruar se kjo nuk ishte aksidentale por e shënjestëruar si dhe ka shtuar se ‘shpirti rugovian nuk e duron këtë’.
“Mospërfshirja në përbërjen e Kryesisë së LDK-së, nuk ishte aksidentale, ishte e shenjëstruar.
Kjo sjellje e shëmtuar nuk i takon shpirtit dhe frymës së Lidhjes Demokratike të Kosovës.
Shpirti Rugovian nuk e duron këtë.
Liria dhe Demokracia, respekti për mendimin e lirë (pa pasur pasoja), respektimi i rregulloreve, statutit dhe ligjeve, vlerësimi i profesionalizmit dhe etikës në punë, janë vlera më të rëndësishme në një organizatë bashkëkohore të kohës sonë.
Prandaj, jam dhe do te mbetem një zë që me vendosmëri i thotë mendimet e veta si njeri i lirë”, ka thënë ndër të tjera Murtezaj.
