Qeveria e Kosovës ka lansuar sot masën e punësimit për gratë e mbijetuara të dhunës. Me këtë rast, kryeministri Albin Kurti tha se pavarësia ekonomike e grave është një shkallë e rëndësishme drejt zhvillimit dhe lirisë individuale.
Kurti tregoi edhe procedurat e punësimit përmes kësaj skeme, të grave të cilat janë viktima të dhunës në familje, raporton teve1.info
Teksa theksoi se Ministria e Financave do të subvencionojë 70% të pagës së të punësuarave për gjashtë muaj.
“Kësaj skeme po i shtojmë një veçori të re, që ka cak punësimin e të mbjetuarave të dhunës në familje, e kjo vie krahas përmirësimit të qasjes në shërbime sociale dhe rritjes së mbështetjes për strehimoret e të mbijetuarave të dhunës në familje. Nga sot, të gjitha gratë të cilat ishin viktima të dhunës në familje do të mund të jenë të kësaj skeme. Ajo çfarë duhet të bëjnë është të drejtohen në Zyrën e punësimit në Komunën e tyre përkatëse. Pas regjistrimit, këshilltarët e punësimit do të sigurohen se ato ndërmjetësohen në biznese të regjistruara të cilat ofrojnë pozita të lira të punës. Pasi që të bëhet ky ndërmjetësim, e të fillojnë punën, Ministria e Financave do të subvencionojë 70% të pagës të të punësuarave për gjashtë muaj me radhë”, deklaroi ai. /Teve1.info/
