Kryeministri i Kosovës, Albin Kurti, tha se Qeveria e Kosovës po i mbështet familjet e cenueshme dhe që kanë më së shumti nevojë “për dorën e shtetit”, raporton teve1.info
Kurti këto deklarime i bëri gjatë një konference për medie ku u shpalosën detajet e subvencionimit të familjeve me asistencë sociale me lëndë djegëse për ngrohje nga masa 1.2 e Qeverisë.
“Si qeveri, strategjinë për mbrojtjen e rritjen e mirëqenies qytetare dhe atyre që kanë nevoje e ekzekutuam në dy drejtime, iu përgjigjëm nevojës për të lehtësuar vështirësitë që krizat shkaktuan te ekonomitë familjare dhe nxitëm zgjidhje të qëndrueshme përmes punësimit në tregun e punës. Tani po ndihmojmë ata që kanë më së shumti nevojë për dorën e shtetit. Në mbledhjen e fundit të Qeverisë kemi ndarë 5 milionë euro për blerje të lëndës djegëse për ngrohje me qëllim tejkalimin sa më të lehët për këto familje, në bashkëpunim me BE-në. Pas 32 muajve qeverisje, qytetarët e dinë që përballë vështirësive të kohës nuk do të jenë vetëm dhe të vetmuar”, tha ndër të tjera Kurti.
