Sot në mëngjes ka ndodhur një aksident trafiku në rrugën magjistrale Prishtinë-Gjilan.
Si pasojë i këtij aksidenti, tre persona kanë pësuar lëndime trupore.
Lajmin për teve1.info, e ka konfirmuar zëdhënësja e Policisë për Rajonin e Prishtinës, Flora Ahmeti.
“Sot rreth orës 07:00, kemi pranuar informatën për një aksident trafiku rrugor të ndodhur në rrugën Gjilan-Prishtinë. Në aksident janë përfshirë dy automjete. Si pasojë e aksidentit tre persona kanë pësuar lëndime trupore, të cilët janë dërguar për tretman mjekësor”, ka thënë ajo.
Po ashtu, ka bërë të ditur se njësia rajonale e trafikut po merret me rastin./teve1.info/.
