Ish-shefi i inteligjencës gjermane, August Hanning është arrestuar nën dyshimin për spiunazh dhe tradhti, sipas raportimeve të disa medieve gjermane.
Gazeta “Bild” dhe ajo “Sueddeutsche Zeitung” kanë raportuar të martën se prokurorët federalë janë duke hetuar Hanning, i cili udhëhoqi Shërbimi e Inteligjencës Federale apo BND, që nga 1998 deri më 2005, dhe një të dyshuar të dytë.
Sipas gazetës, dyshimet përfshijnë marrjen e sekreteve shtetërore, tradhëti dhe spiunazh për vendet e huaja.
Hanning thuhet se ka paguar një ish-anëtar të stafit drejtues të BND-së për informacione të klasifikuara dhe dyshohet se “planifikonte t’i rishiste ato” si pjesë të punës së tij në konsulencë.
Poashtu raportohet se Hanning ishte furnizuar me materiale sekrete nga shërbimi për vite më radhë pasi që la zyrën, nga ish-drejtori i zyrës së tij.
Hetuesit po shqyrtojnë nëse ai i dërgoi këto sekrete tek fuqitë e huaja.
Rasti është përshkruar si potencialisht një nga aferat më të mëdha të spiunazhit në historinë e Republikës Federale të Gjermanisë.
