Pas reshjeve të borës, të gjitha rrugët në territorin e Komunës së Ferizajt janë të kalueshme.
Kështu është bërë e ditur në njoftimin e kësaj komune, derisa kanë thënë se ekipet përkatëse janë vazhdimisht në terren duke bërë pastrimin e rrugëve nga bora.
Reshjet e borës, kanë bërë që të dalin herët në mëngjes në terren ekipet e kompanive të kontraktuara nga Komuna e Ferizajt, për mirëmbajtjen dimërore të rrugëve. Nga njoftimet e terrenit nga Drejtoria e Shërbimeve Publike dhe Emergjencë, bëhet e ditur se në territorin e Ferizajt, të gjitha rrugët janë të kalueshme dhe se ekipet përkatëse me makineri të rëndë janë vazhdueshëm në terren duke bërë pastrimin e rrugëve nga bora.
Njëherit, kjo komunë ka apeluar vozitësit që të shtojnë kujdesin gjatë qarkullimit në trafik, veçanërisht në qarkullimin e zonave malore.
