Unioni i Bizneseve Shqiptaro-Gjermane e ka hapur edhe zyrtarisht zyrën e saj në Prishtinë, ku mblodhi shumë politikanë, biznesmenë e afaristë nga Kosova, Gjermania dhe më gjerë.
Në këtë takim, Ministrja e Jashtme e Kosovës, Donika Gërvalla, para të pranishmëve theksoi rëndësinë e krijimit të kushteve për të bërë biznes. Ajo tha se tashmë me qeverinë Kurti, korrupsioni e kriminaliteti po luftohet, dhe kjo lehtëson investimin e jashtëm në shtetin e Kosovës.
Kryetari i Nderit të Unionit të Bizneseve Shqiptaro-Gjermane, Lazim Destani, pos tjerash paralajmëroi edhe një investim të madh në Kosovë, hapjen e fabrikës së veturave e-Go, vetura elektrike në pronësi të familjes Destani.
Në këtë takim, pos fjalimeve të tjera, u shfaq edhe një dokumentar që shpërfaqi rrugëtimin e deritanishëm të ketij Unioni, por që u tha se është vetëm fillimi.
