Këshilli Kombëtar Shqiptar e ka hapur zyrën në Sanxhak të Pazarit të Ri në Serbi, të njohur si “Novi Pazar”
Kryetari i këtij këshilli, Nevzad Lutfiu, ka thënë se hapja e kësaj zyre do të ndikojë në avancimin e të drejtave të shqiptarëve në këtë pjesë.
Ai në emisionin “InfoNata” në Tëvë 1, tha se në zyre do të ketë aktivitet të ndryshme, që do të ndikojnë në që shqiptarët atje ta ruajnë identitetin e tyre kombëtar
“Trendi është pozitiv i deklarimit si shqiptar në Pazarin e Ri, andaj ne kemi dashur ta shfrytëzojmë këtë momentum që edhe ata që po kanë vështirësi ta deklarojnë këtë për shkak të rrethanave që ndodhen, tashmë kur e kanë zyrën e tyre do ta kenë shumë më të lehtë që ta ruajnë identitetin e tyre kombëtarë…Jam i bindur që numri i shqiptarëve në atë pjesë vitet e ardhshme do të jetë më i lartë”, ka thënë Lutfiu.
Ai ka thënë se ka pasur një lloj presioni në Pazar të Ri, kur është kuptuar qëllimi i hapjes së kësaj zyre, por siç ka thënë ata kanë vepruar në bazë edhe të ligjit.
