Kryeministri i vendit, Albin Kurti, ka pritur sot në takim shefin e sapoemëruar të misionit të parë të Kosovës në Poloni, Drilon Gashi.
Gjatë këtij takimit, thuhet se u diskutua për mundësitë e thellimit të raporteve të Kosovës dhe Polonisë, përcjell teve1.info.
“Në këtë takim u diskutua për mundësitë e thellimit të mëtutjeshëm të raporteve ndërmjet të Republikës së Kosovës dhe Polonisë, me të cilën vitin e kaluar u formalizuan për herë të parë raportet bilaterale, dhe rolin që do të këtë misioni i ri në Varshavë në realizimin e këtyre synimeve”, thuhet në komunikatë.
Me këtë rast, kryeministri Kurti, i ka uruar suksese Gashit në përmbushjen e detyrave, përgjegjësive dhe objektivave të përbashkëta dhe i ofroi bashkëpunim të afërt institucional.
I pranishëm, përkrah Kurtit, ishte edhe Zëvendësministri i Punëve të Jashtme dhe Diasporës, Kreshnik Ahmeti./teve1.info/.
