Policia e Kosovës në bashkëpunim me Doganën e Kosovës kanë realizuar një operacion në veri, në kuadër të kontrabandës së mallrave dhe aktiviteteve tjera të paligjshme.
Kontrolle janë kryer në Zhitkovc, Zveçan dhe në hyrje të Leposaviqit.
Policia thotë se në të dy lokacionet ku janë kryer kontrolle janë hasur një sasi e konsiderueshme e mallit që dyshohet të jetë kontrabanduar.
Ndërkohë, Dogana e Kosovës e ka konfiskuar mallin që kryesisht kanë qenë artikuj ushqimor, në sasi më të madhe pije alkoolike, çokollata, coca-cola, etj.
“Dogana e Kosovës e ka konfiskuar mallin që kryesisht ishin artikuj ushqimor, në sasi më të madhe pije alkoolike (birra të brendeve të ndryshme, raki, verë, vodka etj.), por edhe çokolata, coca-cola e gjëra tjera të cilat janë evidentuar një njësitet e doganës (për më shumë shih fotot në bashkëngjitje)”, thuhet në njoftim./teve1.info/
