Kryetari i Kuvendit të Maqedonisë Veriore, Talat Xhaferi, në një intervistë për emisionin “Këndi i Debatit në Tëvë 1, ka folur në hollësi për zhvillimet e fundit në shtetin që e përfaqëson si kryeparlamentar.
Pse nuk kaloi Ligji për amnisti; çfarë po ndodhë me ndryshimet kushtetuese në këtë shtet; a është me interes për shqiptarët që edhe bullgarët të futen si kategori kushtetuese në Maqedoninë e Veriut dhe a po vjen dita që ky vend ta ketë për herë të parë një kryeministër shqiptar?
Xhaferi flet edhe për raportet Kosovë- Serbi dhe implikimet që mund t’i ketë në rajon një konflikt i armatosur mes këtyre dy shteteve, sikundër që flet edhe për marrëdhëniet ndërshqiptare në Ballkan.
Si i interpreton raportet mes Edi Ramës dhe Albin Kurtit dhe kë e cilëson ai si “Vëlla të Madh”; a ka bërë mirë Kurti që nuk i ka njoftuar autoritetet e larta në Maqedoni para realizimit të vizitës në Tetovë dhe çfarë thotë për idenë e bashkimit kombëtar?
Xhaferi rrëfen edhe për vizitën e mëhershme në Ukrainë dhe për kontaktet që vazhdon t’i mbaj me autoritetet e atjeshme; tregon nëse ka kërkuar që ky shtet ta njoh Kosovën, ashtu siç paralajmëron se çfarë efektesh fillestare mund të këtë heqja e vizave për kosovarët duke marrë si shembull përvojën e Maqedonisë së Veriut.
“Këndin e Debatit” me Dukagjin Maliqin, sonte nga ora 20:40 në Tëvë 1