Emisari i BE-së për dialogun Kosovë – Serbi, Miroslav Lajçak do të takohet sot me krerët e tri partive opozitare, LDK, PDK dhe AAK.
Takimi është paraparë të mbahet nga ora 10:00 në ambientet e zyrës së BE-së në Prishtinë, përcjell teve1.info
Lajçak është duke qëndruar për vizitë në Kosovë, me ç’rast dje u takua edhe me zëvendëskryeministrin, Besnik Bislimi.
Pas këtij takimi, Bislimi ka bërë të ditur se gjatë takimit është diskutuar për zbatimin e Marrëveshjes së Brukselit dhe Aneksit të Ohrit.
Teksa Lajçak ka theksuar se me zv.kryeministrin Bislimi u pajtuan për hapat e ardhshëm.
