Deputeti i pavarur, Haki Abazi, e ka kritikuar kryeministrin Albin Kurti gjatë raportimit të Kuvend duke thënë se është torturë me dëgjua për marrëveshjet e së kaluarës prej një njeriu që ka qenë pjesë e marrëveshjes, raporton teve1.info
Abazi e ka cituar Kurtin të ketë thënë se të gjithë ata që e pranojnë Asociacionin janë serbofil derisa e ka pyetur Kurtin se çka është ai sot, duke aluduar në pranimin e Asociacionit për komunat me shumicë serbe.
“Është e tmerrshme, a e dini ku keni ra, në pamundësi për me argumentu se çfarë në fakt po ndodh. Por unë e kam një gjëegjëzë këtu: Si quhet një gjë që quhet vetmenaxhim sipas pikës 7 të marrëveshjes e ndërlidhur me pikën 10, por këtë përgjigje e dua vetëm nga ata që e kanë kartelën e VV-së. Le të spejegoj kryeministri sepse vetmenaxhimi nuk është abstrakt, është nocion përmbajtjesor. Serbofil janë kryeministrat që e pranojnë Asociacion. Çka je sot ti kryeministër? A je serbofil?”, ka pyetur Abazi.
“Hajde shkojmë pak më tutje. Nuk do të ketë kurrë Asociacion me kompetenca ekzekutive apo kompetenca jo-ekzekutive monoetnike. Çka është kjo, mos jem tu fol për komunitete tjera, jo jemi tu fol për një komunitet serb i cili është bërë mbi të gjithë, bile edhe mbi 95 për qind të shqiptarëve sepse veriu është shumë i rëndësishëm por jugu është edhe më i rëndësishëm sepse aty jetojnë 95 për qind. Sepse veriu është vendi ku nuk janë kthyer 22 mijë shqiptarë që nga paslufta dhe kjo radhë e argumentimit shkon deri në banalitetin e formulimit që unë nuk kam pranu por kam qenë i gatshëm me e pranu. Nuk është i keq Asociacioni por kam vështirësi e dhembje me e sqarua çka ka brenda se nuk do ta kisha bë të njëjtën. Kjo frazeologji është e kotë, e ngjashme me të kaluarën”, ka thënë Abazi.
