Golden Eagle Ylli ka shtuar një përforcim në radhët e veta.
Bëhet fjalë për fundorin amerikan Antwain Johnson, të cilin ekipi nga Suhareka e ka prezantuar të mërkurën mbrëma. Johnson mund të luajë në pozitat 1-2 dhe te Ylli pritet të debutojë këtë vikend.
Edicionin e kaluar, Johnson ka luajtur në Greqi te skuadra Enosi Kalathorfairisis Kavalas dhe kishte një mesatare prej 19.5 pikëve, 4 kërcimeve dhe dy asistimeve për ndeshje.
Ylli ka pasur një start të dobët këtë edicion në Superligën e Kosovës në basketboll, ku ka regjistruar dy fitore karshi katër humbjeve në gjashtë ndeshje të luajtura deri më tani.
Ndeshjen e radhës, Ylli e luan në udhëtim te skuadra e Trepçës.