Ka vdekur dje në QKUK edhe personi i dytë i cili mbeti i plagosur të dielën pas të shtënave me armë zjarri në Vushtrri.
Sipas Policisë, trupi i pajetë i viktimës është dërguar në IML për Obduksion, përcjell teve1.info
“Raportohet se me datën 30.10.2023 në QKUK-Prishtinë, ka ndërruar jetë edhe viktima e dytë mashkull kosovar. Me vendim të prokurorit , trupi i pa jetë i viktimës dërgohet në IML për Obduksion”, thuhet në raportin 24-orësh të Policisë.
Një person ka vdekur dhe dy të tjerë kanë mbetur të plagosur të dielën pasdite pas të shtënave me armë zjarri në rrugën “Mehmet Konjuhi” në Vushtrri.
Rreth këtij rasti, numri i të arrestuarve ka shkuar në pesë. Të dyshuarve iu është caktuar masa e ndalimit policor prej 48 orëve./Teve1.info/
