Partia Demokratike e Kosovës (PDK) është deklaruar pro iniciativës së AAK-së për të mbështetur Rezolutën e miratuar në Parlamentin Evropian më 19 tetor, mbi zhvillimet e fundit në dialogun Serbi – Kosovë, përfshirë situatën në komunat veriore të Kosovës.
Kështu bëri të ditur në seancën që po mbahet në Kuvend, deputetja e kësaj partie, Blerta Deliu, përcjell teve1.info
Deliu kërkoi nga institucionet e BE-së që ta dënojnë sulmin e 24 shtatorit dhe të vendosin masa ndaj Serbisë.
“Me këtë rast, kërkojmë nga institucionet e Bashkimit Evropian që në terma më të qartë të dënojnë këtë sulm dhe të vendosin masa ndaj Serbisë si përgjegjëse direkte për sulmin terrorist dhe kriminal të datës 24 shtator. Megjithatë, shteti i Kosovës, diplomacia e Kosovës, bartësit e institucioneve të Kosovës, nuk e kanë shfrytëzuar e as nuk kanë kapitalizuar sa duhet dhe si duhet këtë ngjarje në mënyrë që pozicioni ndërkombëtar i Kosovës dhe në dialog me Serbinë të fuqizohet e të faktorizohet”, deklaroi ajo në Kuvend. /Teve1.info/
