Eurodeputeti gjerman, Reinhard Bütikofer, e ka quajtur të padrejtë reagimin e shefit të politikës së jashtme të BE-së, Josep Borrell, lidhur me refuzimin e nënshkrimit të marrëveshjes nga ana e Serbisë në Bruksel një ditë më parë.
Përmes një postimi në X, Bütikofer ka shkruar se të vetmen pengesë që Borrell e përmend në këtë takim është asociacioni, derisa ka shtuar se u harrua agresioni serb në Kosovë dhe gatishmëria e Kurtit që ta firmoste marrëveshjen.
“Kjo është vërtet INTERESANTE: 1. E vetmja pengesë, e cila @JosepBorrellF përmend, është ASM. A nuk kishte pengesa nga pala #serbe? A është e drejtë të “harrohet” përmendja e të gjitha akteve të fundit të agresionit serb? 2. Kryeministri #Kurti tha publikisht se ishte i gatshëm të firmoste gjithçka…”, shkroi ai në platofrmën X.
Gjatë ditës së enjte në Bruksel u zhvilluan bisedime të reja lidhur me dialogun Kosovë-Serbi, ku nuk pati takim midis kryeministrit të Kosovës, Albin Kurti dhe presidentit serb Aleksandër Vuçiq.
Të dy këta zhvilluan takime të ndara me liderët evropianë, Olaf Scholz dhe Emanuel Macron e Meloni.
Pas takimeve Borrell tha se puna po vazhdon dhe se për Kosovën dhe Serbinë s’ka zgjidhje tjetër përveç asaj që del nga dialog.
This is really INTERESTING: 1. The only hurdle, which @JosepBorrellF mentions, is the ASM. Were there no hurdles an the #Serbian side? Is it fair to "forget" mentioning all the recent Serbian acts of aggression? 2. PM #Kurti publicly said that he was willing to sign everything… https://t.co/ufryI4sZnk
— Reinhard Bütikofer (@bueti) October 27, 2023
