Tri raste të dhunës në familje kanë ndodhur gjatë 24-orëve të fundit në Rajonin e Prishtinës, raporton teve1.info
Sipas Policisë së Kosovës, rasti i parë ka ndodhur në Fushë-Kosovës ku është arrestuar i dyshuari mashkull pasi dyshohet se e kishte sulmuar fizikisht viktimën femër.
Me vendim të prokurorit, i dyshuari është dërguar në mbajtje.
“Fushë Kosovë / 01-31.08.2023. Është arrestuar i dyshuari kosovar për shkak se kishte sulmuar fizikisht viktimën femër kosovare. Në konsultim me prokurorin pas inicimit të rastit i dyshuari është dërguar në mbajtje”, thuhet në njoftim.
Ndërsa, dy rastet tjera të dhunës në familje kanë ndodhur në Podujevë dhe Lipjan. Sipas komunikatës së Policisë, dy të dyshuar meshkuj i kanë sulmuar fizikisht familjaret e tyre femra për çka janë ngritur raste në policinë e Kosovës.
Megjithatë, bëhet e ditur se dy të dyshuarit janë liruar në procedurë të rregullt, me vendim të prokurorit.
“Podujevë / 26.10.2023 – 11:20. Është arrestuar i dyshuari kosovar, për shkak se kishte sulmuar fizikisht viktimat femra kosovare. Në konsultim me prokurorin pas inicimit të rastit i dyshuari është liruar në procedurë të rregullt.
Lipjan / 26.10.2023 – 17:55. Është arrestuar i dyshuari kosovar, pasi që ka ushtruar dhunë fizike dhe psikike ndaj viktimës femër kosovare. Nuk raportohet për lëndime. Me vendim të prokurorit i dyshuari është liruar dhe rasti shkon në procedurë të rregullt”, thuhet në komunikatën e Policisë.
