Kryetari i Kuvendit të Kosovës, Glauk Konjufca, ka thënë se mund të ketë sulme të reja në veri dhe se institucionet e Kosovës janë duke u përgatitur për një gjë të tillë.
Ai madje tha se nuk e din pse është thirrur një takimi tjetër në Bruksel, pasi sipas tij, nuk kemi kohe t’i dëgjojmë premtimet e kota të presidentit serb, Aleksander Vuqiçi.
“Nuk e di edhe pse është thirr ky takim në Bruksel, ne nuk kemi kohë t’i dëgjojmë premtimet e kota të Vuqiçit se është paqësor, ne jemi duke u përgatitë si Republikë dhe si Polici e Kosovës, për sulme të ardhshme të mundshme. Ministri i Punëve të Brendshme dje tha se kanë informata edhe nga inteligjenca që grupet po ushtrojnë atje…ne ishëm edhe në tavoline me 14 shtator, por 10 ditë mbrapa ne u sulmuam, pra nuk e di këto negociata fare nuk po funksionojnë…”, ka deklaruar ai para mediave.
Deklaratat Konjufca i ka dhënë pas seancës gjyqësore ku po akuzohet për hedhje të gazit lotsjellës më 2016.
Kurti para takimit në Bruksel: S’ka dialog pa u sanksionuar Serbia
