Banorët shqiptarë të disa fshatrave në Komunën e Zveçanit, thonë se tashmë po ndihen më të sigurt me prezencën e shtuar të Policisë atje. Madje ata kanë filluar edhe rindërtimin e shtëpive atje. Teksa kërkojnë më shumë përkrahje nga niveli qendror.
Ky është fshati Zhazhë i Komunës së Zveçanit.
Ani pse në një thellësi malore, ky lokalitet është i banuar nga shqiptarët të cilët thonë se nuk do ta braktisin atë kurrë.
Muhamet Peci i cili aktualisht nuk jeton në këtë fshat, tashmë ka vendosur të ndërtojë këtë shtëpi në tokën e tij.
Pas ngjarjeve të fundit në Banjskë të Zveçanit, ai thotë se tashmë ndihen edhe më të sigurt për shkak të prezencës më të madhe të Policisë atje.
Pak kilometra më poshtë Zhazhës, gjendet fshati Kelmend, i cili po ashtu është i banuar me shqiptarë.
Njëri nga banorët e këtij lokaliteti i cili është edhe nënkryetar i Komunës, thotë se me komunitetin serb kanë një komunikim dhe bashkëpunim të mirëfillt.
Madje, ai ka një apel për të institucionet qendrore, në mënyrë që të ketë rikthim më të madh të shqiptarëve në këto fshatra.
Të martën janë bërë një muaj kur në fshatin Banjskë të Zveçanit, u vra rreshteri policor Afrim Bunjaku nga një grup terrorist serb.
Që nga ajo kohë, situata në veri mbetet e tensionuar ku edhe janë shtuar patrullimet e Njësisë Speciale të Kosovës por edhe trupat e KFOR-it.
