Shefi i Grupit Parlamentar të Aleancës për Ardhmërinë e Kosovës, Besnik Tahiri, ka thënë se integrimi evropian i Kosovës s’mund të ndalet nga askush, pasi është zotim kombëtar, shtetëror e institucional.
Ai ka thënë se Kosova duhet të bashkërendoj politikën strategjike pa dëmtuari sovranitetin e vendit.
“Integrimin evropian të Kosovës nuk mund ta ndalë as Lajçaku, e asnjë institucion tjetër pasi ky është zotim kombëtar, shtetëror dhe institucional. Kosova duhet të bashkërendojë politikën e saj strategjike me akterët ndërkombëtarë, obligimet që i ka marrë duhet t’i realizojë pa e dëmtuar sovranitetin dhe interesin e vendit. Bashkërendimi i Kosovës me SHBA-në dhe faktorin ndërkombëtar është jetik për ne. Nuk guxon që kjo Qeveri dhe ky kryeministër ta kthejë Kosovën prapa”, është shprehur ai, të hënën pas mbledhjes së Kryesisë së Kuvendit.