I dërguari i BE- së për dialogun Kosovë – Serbi, ka paralajmëruar diskutime tjera së shpejti pas vizitës të së shtunës në Prishtinë dhe pastaj në Beograd, bashkë me këshilltarët kryesorë të sigurisë të Francës, Gjermanisë dhe Italisë, si dhe me të dërguarin e SHBA-së për Ballkanin Perëndimor, Gabriel Escobar.
Lajçak përmes një postimi në Facebook, ka treguar se çfarë kanë diskutuar dhe pritjen e BE-së dhe ShBA – së nga Kosova dhe Serbia, përcjell teve1.info
Ai ka thënë se në Prishtinë e Beograd kanë diskutuar për avancim në procesin e normalizimit, duke thënë se sulmi i 24 shtatorit për të cilin tha se qëndrojë të bashkuar me parterët në dënimin e tij dhe se përgjegjësit duhet të dalin para drejtësisë, nuk e ndryshojnë faktin që dy vendet kanë një marrëveshje për normalizim të marrëdhënieve.
“Ngjarjet e 24 shtatorit nuk e ndryshojnë faktin që Kosova dhe Serbia kanë hyrë në Marrëveshjen për rrugën drejt normalizimit në fillim të këtij viti. Në diskutimet tona kemi përcjellë pritjen që Kosova dhe Serbia të përmbushin plotësisht obligimet e tyre në dialog. Çdo kusht apo vonesë është e papranueshme. Falënderoj partnerët e mi për këtë vizitë dhe së shpejti do të vazhdojmë diskutimet tona”, ka shkruar Lajçak.