Dukagjini ka shënuar fitore me rikthim të madh në stadiumin “Liman Gegaj” në Malishevë, kundër Malishevës.
Klinasit të dielën fituan 4:3 me rikthim të rezultatit, pasi pjesën e parë e mbyllën në disavantazh 2:0.
Për Malishevën ishte ndeshja e para e luajtur në “Liman Gegaj” pas më shumë se dy muajve shkaku i punimeve në këtë stadium dhe krijuan epërsinë në minutën e 11′ me Altin Aliun.
Derisa Elom Nyavedji në minutën e 39-të ngritën epërsinë në 2:0, për të shkuar me rezultat komod në pushimin e pjesës së parë.
Dukagjini me të hyrë në pjesën e dytë nisi furishëm, pasi në minutën e 47-të nëpërmjet Iljasa Zulfiut ngushtojë epërsinë.
Mirëpo në 55′ me Iran Junior barazuan rezultatin në 2:2, edhe në asistues ishte Santosi.
Dhe me pas pikërisht Marceli Santosi (70′) përmbysi rezultatin në 3:2 në të mirë të Dukagjinit. Ndërsa gjashtë minuta me pas kapiteni Altin Mërlaku ngriti rezultatin në 4:2 për Dukagjinin.
Malisheva realizoi edhe një gol me Drilon Hazrollajn në minutën e tretë të shtesës për 4:3, por që doli të jetë i pamjaftueshëm për ta shmangur disfatën.
Për Dukagjinin ishte fitorja e dytë e edicionit dhe tani ka 12 pikë në dhjetë ndeshje dhe zë pozitën e gjashtë në tabelë. Po aq pikë ka edhe Malisheva në vendin e pestë.
