Një person është ankuar në polici se disa person-a të panjohur i kanë vënë flakën arës së tij në Prekaz i Poshtëm të Skenderajt.
Si pasojë e zjarrit, ankuesit i janë djegur fidanet që kanë qenë të mbjellura, si dhe sistemi i ujitjes së arës.
Policia e Kosovës në raportin ditor ka bërë të ditur se nuk raportohet për të lënduar e as të arrestuar.
Ndërkohë, njoftohet se rasti është në hetime.
“Prekaz i Poshtëm, Skenderaj 20.10.2023-19:00. Më 21.10.2023 ankuesi mashkull kosovar ka raportuar se person-a të panjohur i kishin vënë zjarrin arës së tij e cila ishte e mbjellë me fidane. Si pasojë e zjarrit ishte djegur edhe sistemi i ujitjes së arës. Nuk raportohet për të lënduar e as të arrestuar. Rasti nën hetime”, thuhet në raportin e Policisë./teve1.info/
