Qeveria e Kosovës ka marrë vendim për fillimin procedurave për blerjen e objektit për ambasadën e Kosovës në Berlin dhe Washington, raporton teve1.info
Sipas një komunikate të Qeverisë së Kosovës, një vendim i tillë është marrë në mbledhjen elektronike të të Qeverisë të zhvilluar të mërkurën.
“Qeveria e Republikës së Kosovës ka zhvilluar mbledhje elektronike, në të cilën është miratuar vendimi për fillimin e procedurave për blerjen e objektit për nevoja të Ambasadës së Republikës së Kosovës në Berlin, Republika Federale e Gjermanisë, si dhe blerjen e objektit rezidencial, në Washington D. C., në Shtetet e Bashkuara të Amerikës”, thuhet në komunikatë.
