I nisur në gushtin e vitit 2014 me nismën ish-kancelares gjermane Angela Merkel, këtë vit “Procesi i Berlinit” do të zbarkoi në kryeqendrën e Shqipërisë, Tiranë.
Me qëllim rritjen e bashkëpunimit rajonal dhe përafrimin e Ballkanit me BE-në, të hënën, pjesëmarrësit nga shumë shtete do të diskutojnë për Integrimin e rajonit në tregun e përbashkët dhe përmirësimin e konvergjencës me BE-në.
Në agjendë është paraparë edhe Nënshkrimi i Marrëveshjes Rajonale për Njohje Reciproke të Kualifikimit profesional.
Tringa Dreshaj nga Instituti Demokratik i Kosovës thotë se pritshmëritë nga Samiti i Berlinit janë që listës së kualifikimit profesional t’i shtohen edhe disa profesione të tjera.
Njëra nga temat që është përfolur se mund të diskutohet në këtë samit, është edhe ajo për situatën e sigurisë në Kosovës, pas sulmit të 24 Shtatorit.
Por, njohësi i çështjeve politike nga Shqipëria, Ben Andoni, thotë se kjo temë nuk do të ketë ndonjë hapësirë të madhe diskutimit.
Para disa javësh kryeministri shqiptar, Edi Rama, kishte zhvilluar një turne në vendet e rajonit me qëllim përgatitjen e “Procesit të Berlinit” por që gjatë vizitës në Kosovë, nuk ishte pritur nga kryeministri Albin Kurti.
