Deputeti i Lidhjes Demokratike të Kosovës, Avdullah Hoti, ka pyetur Qeverinë Kurti se çfarë është bërë me 8.63 miliardë euro që i ka pasur në menaxhim në tri vitet e fundit.
Përmes një postimi në Facebook, Hoti ka shkruar se ende nuk shihet kur janë harxhuar këto mjete.
“3 vite mandat dhe 3 buxhete vjetore të menaxhuara. 8.63 miliardë euro vlera e tri buxheteve (2021=2.51 miliardë, 2022=2.90 miliardë, 2023=3.22 miliardë). As shenjë nuk shihet se ku janë harxhuar gjithë këto mjete. Nuk ka ndonjë autostradë të re, urë të re, tunel të ri, çerdhe, shkolla apo spitale të reja. Pagat nuk janë rritur. As policët nuk i kanë marrë shtesat e rrezikshmërisë nga shkurti i këtij viti”, ka shkruar Hoti.
