Ministria e Financave, Punës dhe Transfereve që udhëhiqet nga Hekuran Murati ka nxjerrë një vendim të ri përmes së cilit rregullon tavanet, siç përcaktohet në Ligjin e Pagave dhe në Ligjin e Buxhetit.
Ministri i Financave, Hekuran Murati, ka thënë se vendimi s’ka të bëjë fare as me rritje të pagave e as me “shkelje të 80 mijë shërbyesve civilë, siç është raportuar në media”.
Ai përmes një shkrimi në Facebook i ka demantuar disa medie për raportim të tillë.
“Vendimi rregullon tavanet, siç përcaktohet në Ligjin e Pagave dhe në Ligjin e Buxhetit, ashtu që institucionet që kanë obligim të ofrojnë shërbime publike përtej orës 16:00 si dhe fundjavave, ta bëjnë këtë pa qenë në shkelje të dispozitës ligjore që kufizon punën përtej orarit të rregullt në vetëm 1% të totalit të orëve”, ka theksuar Murati.
