Shefi i Zyrës së BE-së në Kosovë, Tomas Szunyog, u ka bërë thirrje qytetarëve të Kosovës që pas 1 janarit 2024 kur edhe do të ndodh liberalizimi i vizave, të respektojnë rregullat.
Ai bashkë me ambasadorin gjerman në Kosovë, Joern Rohde, të Francës Oliver Guerot dhe të Italisë, Antonello De Riu, kanë marrë pjesë në fillimin e fushatën informuese për liberalizimin e vizave.
Szunyog më tej ka shtuar se kosovarët mund të shtojnë Evropën, të vizitojnë familjarët e tyre, por që nuk kanë të drejtë të punojnë e qëndrojnë gjatë në vendet evropiane.
“Liberalizimi i vizave do të bëhet me 1 janar të vitit të ardhshëm. Kosovarët do të mund të udhëtojnë në Evropë për të parë bukuritë e saj, qytetet evropiane dhe familjarët e tyre. Është e rëndësishme që kampanja ka filluar dhe që t’ju shpjegohet njerëzve çfarë është liberalizimi i vizave dhe çfarë nuk është. Njerëzit duhet ta kuptojnë që ka rregulla. Rregullat duhet të ndiqen. Të gjithë duhet ta kuptojnë se liberalizimi i vizave do të thotë liberalizim i vizave për turistë. Nuk është për qëndrime të gjata, nuk është për punë, as studentë”.
