Policia ka arrestuar 6 punëtorë të dy firmave punuese në rastin e 30 shtatorit ,ku dy persona janë lënduar gjatë orarit të punës dhe njëri nga ta ka vdekur.
Siç njofton policia të arrestuarit në Prizren janë mbikëqyrje të punimeve dhe punëtorë të dy firmave punuese.
Policia ka bërë të ditur se gjashtë të dyshuarit me urdhër të prokurorit të shtetit janë dërguar në mbajtje për 48 orë.
“Njësiti i hetimeve rajonale Prizren ka arrestuar gjashtë të dyshuar, mbikëqyrës të punimeve dhe punëtorë të dy firmave punuese H.K. (viti i lindjes 1968), C.K. (viti i lindjes 1969), S.K. (viti i lindjes 1965), N.G. (viti i lindjes 1990), D.K. (viti i lindjes 2003) dhe A.Th. (viti i lindjes 2005). Arrestimi i tyre është bërë si rezultat i hetimeve intenzive dhe mbledhjes së provave rreth rastit të ndodhur me datën 30.09.2023 cilësuar ,, Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës’’ në të cilin rast dy viktima meshkuj kosovar shqiptar përderisa kanë qenë duke punuar, njëri nga ta kishte pësuar lëndime të rënda trupore dhe për shkak të natyrës së lëndimeve është dërguar në QKUK për tretman mjekësor. Si pasoj e lëndimeve viktima kishte ndërruar jetë. Që të gjashtë të dyshuarit me urdhër të prokurorit të shtetit janë dërguar në mbajtje për 48 orë”, thuhet në njoftim.
