Sulmuesi Olivier Giroud po e luan sezonin e tij të fundit me fanellën e skuadrës së Milanit.
Francezi ka paralajmëruar largimin nga ekipi italian në verën e vitit të ardhshëm kur edhe i skadon kontrata. 37-vjeçari ka thënë se nuk pret ta vazhdojë bashkëpunimin me Milanin, por ka shtuar se këtë edicion do të japë gjithçka nga vetja për ta ndihmuar ekipin të arrijë objektivat.
Deri më tani, Giroud ka treguar formë të mirë këtë edicion, ku ka shënuar 4 gola dhe ka bërë 3 asistime në 7 ndeshje të luajtura.
Ai është pjesë e Milanit prej vitit 2021 kur iu bashkua nga Chelsea dhe ka fituar një titull kampioni të Italisë. Giroud ka edhe 125 paraqitje për Francën dhe 54 gola të realizuar.
