Sipas Policisë, janë identifikuar dy automjete duke hedhë mbeturina në afërsi të autostradës dhe ka gjobitur qytetarët për hedhje të mbeturinave dhe ka njoftuar njësitë përkatëse përfshirë edhe inspektorët nga Ministria e Mjedisit Planifikimit Hapësinor dhe Infrastrukturës të cilët menjëherë kanë dalë në vendin e ngjarjes.
Policia gjithashtu njoftuar se gjatë një jave ka shqiptuar 1 mijë e 432 gjoba për kundërvajtje të ndryshme në trafik, raporton teve1.info
“Në kuadër të kësaj Policia e Kosovës gjegjësisht Njësia për Kontrollin e Autostradave e mbështetur nga njësitë tjera të Divizionit të Komunikacionit Rrugor në vazhdim të implementimit të planeve operative aktive si “Siguria në trafikun rrugor” & ”Shtimi i masave të sigurisë në trafikun rrugor”, gjatë një jave (21-27.03.2022) ka shqiptuar 1432 gjoba për kundërvajtje të ndryshme në trafik, ka konfiskuar 7 automjete për ndalje të parregullt në autostradë, ka larguar nga trafiku 8 automjete të tjera, ka konfiskuar përkohësisht 15 targa të automjeteve të paregjistruara, ka identifikuar 8 kundërvajtës duke drejtuar automjetet nën ndikimin e alkoolit si dhe 15 shoferëve iu është shqiptuar masë mbrojtëse ndalim i drejtimit të automjetit nga 3 muaj deri 1 vit”, thuhet në njoftimin e Policisë.
Policia e Kosovës ka apeluar për kujdes më të shtuar për pjesëmarrësit në trafik./teve1.info
