Policia kufitare e veriut të Kosovës ka iniciuar katër raste të ndryshme të kontrabandimit me mallra dhe kalim të paautorizuar të kufirit në veri të vendit, raporton teve1.info
Sipas komunikatës së Policisë së Kosovës, në dy rastet e para janë ndaluar katër qytetar serbë, një me shtetësi të Serbisë dhe tre me shtetësi të Kosovës, të cilët e kishin kaluar kufirin jashtëligjshëm.
Në rastin e tretë është iniciuar rast ndaj një serbi me shtetësi të Kosovës për kontrabandim me mallra derisa në rastin e fundit është ndaluar një qytetar shqiptar me shtetësi të Kosovës për kontrabanim të afër 4 metrave kub dru.
“Në rastin e parë: automjeti ngjyrë hiri me targa të Serbisë, me drejtues N.S., mashkull, serb/kosovar, dhe pasagjer B.R., serb/kosovar, dyshohet se në Kosovë kishin hyrë përmes rrugëve ilegale dhe në mënyrë të paligjshme.
Në rastin e dytë: është ndaluar automjeti ngjyrë e kaltër me targa të Serbisë, me drejtues V. M., mashkull, serb/kosovar dhe pasagjer ishte S.J., serb/kosovar. Të njëjtit dyshohet se në Kosovë ishin futur përmes rrugëve ilegale dhe në mënyrë të paligjshme.
Në rastin e tretë: është ndaluar automjeti ngjyrë e verdhe me targa të Serbisë, me drejtues D. M., mashkull, serb/kosovar, pas kontrollit nga ana e policisë, është vërtetuar se i njëjti ishte duke transportuar mall, të cilin dyshohet se në Kosovë e kishte futur përmes rrugëve ilegale dhe në mënyrë të paligjshme.
Në rastin e katërt: është ndaluar traktori ngjyre e kuqe me rimorkio me drejtues F.M., mashkull, shqiptar/kosovar. Pas kontrollit nga ana e policisë është vërtetuar se i njëjti ishte duke transportuar mall (dru 3.90 metër kub), të cilat dyshohet se janë kontrabanduar dhe janë futur përmes rrugëve ilegale”, thuhet në komunikatë.
Sipas komunikatës së Policisë, rastet janë iniciuar dhe janë duke u trajtuar nga Njësia Rajonale e Hetimeve të Drejtorisë Rajonale Kufitare-Veriu. Është njoftuar prokurori kompetent, rastet procedohen në procedurë të rregullt.
