Kryeministri i Shqipërisë, Edi Rama ka publikuar fotografi nga takimi që e pati në Tiranë me presidenten e Kosovës, Vjosa Osmani.
Rama në Facebook tha se marrëdhënia mes Kosovës e Shqipërisë është e patjetërsueshme.
“Me Presidenten Vjosa Osmani, për të tashmen dhe të ardhmen e marrëdhënies së patjetërsueshme Kosovë-Shqipëri”, tha ai.
Ndryshe, presidentja e Kosovës, Vjosa Osmani, është pritur sot në një ceremoni zyrtare nga homologu i saj nga Shqipëria, Bajram Begaj.
Kurse pas këtij takimi, Osmani u prit edhe nga kryeministri i Shqipërisë, Edi Rama, me të cilin ajo tha se biseduan rreth aspiratës së përbashkët evropiane të Kosovës dhe Shqipërisë.
Osmani do të qëndrojë në Shqipëri edhe nesër, teksa parashihet të ketë edhe takime të tjera të nivelit të lartë./teve1.info./
